အမေးများအတွက် အဖြေလွှာ

ကိုယ်စားခံခြင်းသင့်မသင့် December 10, 2009

Filed under: ခရစ်ယာန်သာသနာ — amayaphay @ 11:12 am
Tags:

ခရစ်ယာန်ဘာသာကိုသဘောမကျရခြင်းမှာ သားလုပ်သမျှ အဖေကခံပေးမည် ဟူသော သဘောတရားကြောင့်ပါ၊ ဥပမာ သားက လူသတ်ပြီး အဖေကခံပေး လိမ့်မည်ဟု ဆိုပါက လူမိုက်အားပေးသောဘာသာဖြစ်မနေဘူးလား?

ထိုဥပမာသည် သားအဖ အမှန်တကယ်မတော်စပ်လို့ မိမိဖခင်နစ်နာမည်ကို မငှဲ့ကွက်ဘဲ အပြစ်ပြုခြင်း ဖြစ်ပါသည်။ ထိုကဲ့သို့သော ယုံကြည်မှုမျိုးကိုလည်း ဘုရားက မလိုလားသကဲ့သို့ ကျမ်းစာ၌ ထိုသားမျိုးကို မင်းဦးမင်းလွင်ရသောသား (မယားပါသား၊ မွေးစားသား) ဟုဖေါ်ပြ ထားပါသည်။ သားအရင်း မဟုတ်သည့် အတွက် ငရဲသို့သာ သွားရမည် ဖြစ်ပါသည်။

အလွယ်ဆုံး ကျွန်တော့ကိုယ်တွေ့ ဥပမာတစ်ခုကို သက်သေခံရပါက ကျွန်တော်ကိုးတန်းအရွယ်တွင် မြို့နယ်အားကစား သမား အဖြစ် ရွေးချယ်ခံရပါသည်။ ဖခင်ကခွင့်ပြုပါသည်၊ သို့သော် စာမေးပွဲအောင်ရမည်ဟု ကတိတောင်းပါသည်။ အောင်စာရင်း ထွက်သောနေ့ သွားကြည့်သောအခါ ကျွန်တော့နာမည်ပါမလာသည့် အတွက် ဖခင်၏ပေးသော ပြစ်ဒဏ်ကိုခံရန်လေးလံသော ခြေလှမ်းများဖြင့် အိမ်သို့ ပြန်လာခဲ့ပါသည်။ အဖေရိုက်ရင်လည်းခံမယ်၊ ပြီးရင် ငါလည်း ငါကြိုက်တာလုပ်မယ်၊ ဟူသော စိတ်ရိုင်းဖြင့် ပြန်လာခဲ့ပါသည်။ အိမ်သို့ရောက်သောအခါ ဖခင်က ကြိုသိနေပြီး ဒ‘ီနှစ်မအောင်လည်း နောက်နှစ် အကောင်းဆုံးအောင်အောင် ကြိုးစားပေါ့ဟု ဖခင်၏ ခွင့်လွှတ်ခြင်းနှင့် အားပေး စကားသံကိုကြားရသောအခါ အံ့ဩခဲ့ရပြီး အရင်ထက် သိတတ်လိမ္မာသွားသည်မှာ ကျွန်တော့ကိုယ်တွေ့ ဖြစ်ရပ်ဖြစ်ပါသည်။ ဒါဟာ ဖခင် အရင်းရဲ့ သားသမီးအပေါ်ထားသည့် မေတ္တာကြောင့် သားသမီးအရင်း၏ နားလည် သိတတ်မှု အမှန်တရား ဖြစ်ပါသည်။

လူကတော့ သောကြောင့် ဆိုသည့်အကြောင်းပြချက်တို့ဖြင့် ချစ်တတ် ပေမယ့်၊ ဘုရားကတော့ သော်လည်း ဆိုသည့် အကြောင်းပြချက်ဖြင့် လူတို့ကို ချစ်တော်မူ၏။ ဥပမာ လူက လိမ္မာသောကြောင့်၊ လှသောကြောင့် ချစ်၏ဟု ဆိုတတ်ပေမည့် ဘုရား ကတော့ မလိမ္မာသော်လည်း၊ မလှသော်လည်း သူဖန်ဆင်းသမျှ လူသားတိုင်းကို ချစ်တော်မူ၏။ အပြစ်ကိုရွံမုန်းသော်လည်း အပြစ်သား တိုင်းကို ချစ်တော်မူသည့်အတွက် မိမိအသက်ကိုပင် မနှမျောဘဲ စွန့်တော် မူသည့် ဖခင်စစ်နှင့် ဘုရားစစ်ဖြစ်ပါသည်။ ထိုဖခင်စစ်၏ ခွင့်လွှတ်ခြင်း မေတ္တာတော်ကို အမှန်ခံစားရသော သူသည် ကောင်းသောအမှုကို မပြုဘဲ မနေနိုင်သူအဖြစ် မနော ပြောင်းသွားပါသည်။