အလောင်းခိုးထုတ်သွားသည်မဟုတ်ပါလား? December 10, 2009

အစောင့်တပ်များအားပြည့်တန်ဆာမိန်းမကအရက်မူးအောင်တိုက်ပြီး မူးပြီးအိပ်ပျော်စဉ် အလောင်းခိုးထုတ်သွားသည်မဟုတ်ပါလား?

ယေရှု၏ သင်္ချိုင်းဂူကို နိုင်ငံတော်တံဆိပ် ခပ်နှိပ်ထားပြီး အထူးတပ်ကို အစောင့်ချထားခြင်းပါ။ နိုင်ငံတော်အတွက် အရေးကြီးသော အလောင်းအခိုးခံခဲ့ရလို့ အစောင့်တပ်သားများအား အပြစ်ပေးသောသမိုင်း လုံးဝမရှိပါ၊ ယဇ်ပရောဟိတ်နှင့် အကြီး အကဲတို့က  စစ်သားများကို ငွေပေးပြီး ထိုအမှုကို ဖုံးကွယ်ထားဖို့ လုပ်ကြံကြောင်း သာကျမ်းစာတွင် မှတ်တမ်းရှိ၏။ အလောင်းကို ထိုအမျိုးသမီးက ခိုးသွားသည်ဆိုလျှင် ဂူကိုပိတ်ထားသော ကျောက်တုံးက တန်နှင့်ချီပြီးလေးပါသည်။ ထိုကျောက်တုံးကို အဘယ်သူက ဖွင့်ပေး ပါသနည်း၊ ခိုးသွားသည်ဟု ဆိုလျှင်ယေရှု၏အလောင်းကို ပတ်သည့်အဝတ်ဟာ ပတ်လျက်အနေအထားအတိုင်း ပုံမပျက် ကျန်နေခဲ့သည်ဟု ဆိုခြင်းကြောင့် ကြောင်းကျိုး ညီညွတ်မှုမရှိသော မုသာများသာလျှင် ဖြစ်ပါသည်။ ထို့ထက် စစ်သားများ မူးပြီး အိပ်ပျော် နေကြသည်ဟု ဆိုခြင်းကြောင့် အိပ်ပျော်နေသော သူက ပြည့်တန်ဆာမိန်းမ ခိုးသွားကြောင်း အဘယ့်ကြောင့် အတတ်ပြောနိုင် ရသနည်း။

ယေရှုဘုရား သေမြဲအတိုင်းရှိကာ ရှင်ပြန်ထမြောက်ခဲ့ခြင်းမရှိဟု ဆိုပါက။

သတိပြန်လည်လာခြင်း မဟုတ်ပါလား?

ယေရှု ရှင်ပြန်ထမြောက်ခြင်းသည် မဟုတ်မှန်ပါ၊ သွေးလွန်ပြီး သတိလစ် နေရာမှ သတိပြန်လည်လာခြင်း မဟုတ်ပါလား?

ကျမ်းစာက ယေရှုထံသို့ရောက်၍ အသက်မရှိကြောင်းကိုမြင်လျှင် ခြေကို မချိုးဘဲ၊ စစ်သူရဲတစ်ယောက်သည် နံဖေးတော်ကို လှံနှင့်ထိုးဖေါက်၍ သွေးနှင့်ရေသည် ချက်ခြင်းထွက်လာ၏ဟု ဆိုပါသည်။ ယေရှုဘုရား သေကြောင်း သေချာရန်အတွက် ရောမစစ်သားက လှံနှင့် တို့ကြည့်ခြင်း မဟုတ်ပါ။ နံရိုးကြားကို လှံနှင့် ထိုးဖေါက်ခဲ့ခြင်း ဖြစ်ပါသည်။ နောက်တစ်ချက်အနေဖြင့် သွေးလွန်နေသော လူနာကို သွေးသွင်းပေးပြီး မှသာလျှင် ပြန်လည်၍ ကောင်းမွန်လာဖို့ အခြေအနေရှိပါသည်။

သေသောသူများနှင့် သေပြီးလေးရက်ရှိသူ လာဇရုအား သချိုင်းဂူမှ ပြန်ရှင် စေခဲ့သူယေရှုဘုရားသည် သူကိုယ်တိုင် သေခြင်းမှ ရှင်ပြန်ထမြောက်ခြင်းအကြောင်းက အဆန်းတော့မဟုတ်ပါ။ ယေရှုသက်တော်စဉ်တွင် သေသောသူတို့ကို အသုဘ လိုက်ပို့ခဲ့ခြင်း မရှိပါဘဲ မုဆိုးမကို အလုပ်အကျွေးပြုနေသောသား၏ အသုဘနှင့် လမ်းခရီးတစ်ခုတွင် ဆုံမိသောအခါ ထိုသားကိုပင် ပြန်ရှင်စေခဲ့သူ ဖြစ်ပါသည်။

လိမ်ညာခဲ့ကြခြင်း မဖြစ်နိုင်ပါ သလော?

ယေရှု၏ရှင်ပြန်ထမြောက်ခြင်းကို အနီးကပ်ဆုံး လက်ရုံးတော်တပည့်တော် များက လိမ်ညာခဲ့ကြခြင်း မဖြစ်နိုင်ပါ သလော?

လူလိမ်များ လိမ်ညာပြောဆိုကြခြင်း အကြောင်းရင်းမှာ သူတို့၏ အတ္တအတွက်ပါ၊ တမန်တော်တို့က လိမ်ညာခဲ့ရိုးမှန်လျှင် အဘယ့်ကြောင့် သူတို့ရဲ့ တရားစကားတွေအပေါ် ရပ်တည်ခဲ့ကြရပါသလဲ၊ သူတို့၏ တရားစကားကြောင့် လူများ၏ နားလည်မှုနှင့် အထင်လွဲခြင်းခံရ၊ ဆန့်ကျင်ကန့်ကွက်ခံရ၊ အကြိမ်ကြိမ် ညှင်းပန်းနှိပ်စက်ခံရ၊ အနိုင်ကျင့်ခံရ၊ ထောင်ချခံရပြီးနောက်ဆုံး ရက်စက်စွာ အသက်ခံခဲ့ကြ ရပါသည်။ သူတို့ ပြခဲ့သော သက်သေသည် သူတို့အတ္တအတွက် လိမ်ညာ အကွက်ဆင် ခဲ့ကြတာပါဟု ဆိုလျှင် ကြောင်းကျိုး ညီညွတ်မှု လုံးဝမရှိသော အကြောင်းအရာပင်ဖြစ်ပါသည်။

ရက်စက်သော ဘုရားမဟုတ်ပါ

ကျမ်းဟောင်းတွင် ဘုရားက ရက်စက်ကြမ်းကြုတ်ပြီး ကျမ်းသစ်တွင် ဘုရား ကနူးညံ့ကာ အသွင်မတူတာ ဘာ့ကြောင့်ပါလဲ?

ဘုရားသည် လူကို မျက်နှာမလိုက်ဘဲ အပြစ်ရှိသည်အလျှောက်စီရင်တတ် သလို ကောင်းမြတ်သူကိုလည်း ဆုပေးတတ်ကာ နောင်တရသူကိုလည်း ခွင့်လွှတ်တော် မူတတ်သည့် မေတ္တာရှင်လည်းဖြစ်ပါသည်။ ကျမ်းဟောင်းသည် လူကိုစဖန်ဆင်းချိန်မှ နှစ်ပေါင်းလေးထောင်ခန့်၏ မှတ်တမ်းများကိုဖေါ်ပြပြီး ကျမ်းသစ်မှာ ယေရှု လူ့ဇာတိခံယူချိန်မှစလို့ သူ၏တမန်တော်များအကြောင်း နှစ်ပေါင်းတစ်ရာအတွင်း ပြုခဲ့သောအမှုများကိုသာ မှတ်တမ်းတင် ဖေါ်ပြထားခြင်း ဖြစ်ပါသည်။ နှစ်တစ်ရာအတွင်း နှင့် နှစ်လေးထောင်ခန့်အတွင်း ဖေါ်ပြမှတ်တမ်းခြင်း မတူညီသော်လည်း ဘုရား၏ သဘောတော်ကတော့ အတူတူပဲဖြစ်ပါသည်။