သမ္မာတရားကို အဘယ်ကဲ့သို့ရှာဖွေတွေ့ရှိနိုင်ပါမည်နည်း ?

၁) လူသားတိုင်းတို့သည် မိမိ၏ကိုးကွယ်ယုံကြည်ရာ ဘာသာတရား၏ ဆိုဆုံးမမှုစံအတိုင်း ကြိုးစားကျင့်ကြံ အားထုတ် ကြည့်ပါက သမ္မာတရားကို မြင်တွေ့ရပါလိမ့်မည်။ ထိုကဲ့သို့ အမှန်တကယ် လက်တွေ့ကျင့်ကြံ အားထုတ်ကြည့်မှ သာလျှင် မရနိုင်မှန်းကိုသပြီး သမ္မာတရားကိုမြင်ဖို့ လမ်းစကို ရပါလိမ့်မည်။ လူတိုင်းက အမှုမဲ့ အမှတ်မဲ့ မိမိကိုးကွယ် ယုံကြည်ရာ ဘာသာတရားကို အထိမခံကြသော်လည်း အမှန်တကယ် ကျင့်ကြံ အားထုတ် မိကြ သူများကတော့ အလွန်နည်းပါးလွန်းလှ ပါသည်။ ထို့ထက် မိမိကိုးကွယ်ရာ ဘာသာ၏ အယူဝါဒနှင့် တရားဓမ္မများကိုပင် အကုန်အစဉ်မသိပါ။ ထိုကဲ့သို့သော လက်တွေ့ မရှိသည့်သူအား သမ္မာတရား အကြောင်းကို ပြောပြပါက လက်ခံနိုင်လိမ့်မည် မဟုတ်ပါ။  ကောင်းတာလုပ်ရင် ကောင်းရာသို့ ရောက်မှာပေါ့ဟုသာ ဆိုပေလိမ့်မည်။ ထိုထက် ပိုဆိုးသည်က ငါ့ဘာသာ ငါ့သာသနာကလွဲရင် ကျန်တာလက်မခံဘူးဟုဆိုပြီး မိမိအသိကို ပိတ်ထားသူ၊ စိတ်မဝင်စားအလေးမထားသူဆိုလျှင် အဘယ်ကဲ့သို့ သမ္မာတရားအား သိရှိနိုင်ပါ မည်နည်း။

၂) လက်တွေ့ ကြိုးစားကျင့်ကြံအားထုတ်သူသည်သာ ဘာသာတရားအားဖြင့် ကောင်းရာဘုံသို့ မရောက်နိုင်မှန်းကိုသိပြီး သမ္မာတရားကို  ရှာလာပါလိမ့်မည်။ သမ္မာတရားက သူ့ကိုပုန်းနေမည် မဟုတ်ပါ။ လူသားတိုင်း ကိုးကွယ်လိုစိတ် တော့ရှိကြပြီး မိရိုးဖလာအရနှင့် မိမိနှင့် နီးစပ်ရာ ဘာသာတရားကိုသာ ကိုးကွယ်တတ်ကြ ပါသည်။ မိဘက သားသမီးရှေ့ရေးအတွက် အကောင်းဆုံး စီမံပေးသည့်လမ်းကို လက်မခံ ငြင်းဆန်တတ်သော်လည်း မိဘ၏ ကိုးကွယ်ရာကိုတော့ လက်ခံသင့် လက်မခံ သင့်လုံဝ မစဉ်းစားသည့်အပြင် ဘာသာတရား အပေါ်လည်း ဝတ်ကျေတန်းကျေသာ ကိုးကွယ်ဆည်းကပ်ကြသူများက ပိုများပါသည်။ လူတို့သည် ပစ္စည်းတစ်ခုကို ဝယ်ယူရာတွင် အတုနှင့်အစစ်ကို သေခြာစွာ ခွဲခြားလေ့လာပြီး၊ အာမခံချက်ရှိသော ပစ္စည်းမျိုးကိုမှသာ ရွေးချယ် ဝယ်ယူတတ်ပေမည့် မိမိကို ထာဝရငရဲနှင့် ကောင်းရာဘုံသို့ ပို့ပေးနိုင်သည့် ကိုးကွယ်ရာအရှင် ကိုတော့ ထိုကဲ့သို့ ဆန်းစစ်ရွေးချယ်ဖို့ရန် သတိမဲ့တတ်ကြပါသည်။ မာရ်နတ်က လူတိုင်း၏ အသိနှင့်သတိကို ပိတ်ထားခြင်း ကြောင့်လည်းဖြစ်ပါသည်။ မိမိကိုးကွယ်ရာ အရှင်သည် တမလွန်အတွက် အဘယ်မျှ လောက်စိတ်ချရသော အာမခံချက်ကို ပေးနိုင်ပါသနည်း။