အမေးများအတွက် အဖြေလွှာ

သက်ဆိုင်ရာမှ ခေါ်ယူစစ်ဆေးမှုခံရခြင်း December 10, 2009

Filed under: သက်သေခံချက်များ — amayaphay @ 9:58 am
Tags:


ကျွန်တော်တို့အဖွဲ့ကို နှစ်သက်အားပေးသူရှိသကဲ့သို့ မကြိုက်မနှစ်သက်သူများ လည်းရှိကြပါသည်။ ထိုအထဲမှ လူတစ်ဦးက ကျွန်တော်တို့အဖွဲ့သည် ဘာသာရေး အကြောင်းပြကာ နိုင်ငံရေးအလုပ်လုပ်နေကြောင်း မဟုတ်မမှန် လုပ်ကြံတိုင်ကြားခဲ့ ပါသည်။ ထိုတိုင်ကြားချက် အရ သက်ဆိုင်ရာလူကြီးများတို့သည်လည်း စိုးရိမ်ကာ နောက်တစ်နေ့ နံနက် ဆယ်နာရီတွင် အစစ်အဆေးခံယူရန် ဆင့်ခေါ်စာ ရောက်လာ ပါသည်။

အဖွဲ့ခေါင်းဆောင်မှာ ကျွန်တော်ဖြစ်နေ၍ သွားရောက် အစစ်ခံရမည် ဖြစ်ပါသည်။ ထိုနေ့ညကျွန်တော်တို့ လူငယ်များအားလုံး စိုးရိမ်စိတ်များကြောင့် ညစာပင် မစားနိုင်ကြပါ။ ကျွန်တော်ကိုယ်တိုင်သည်လည်း မနက် လေးနာရီ ကားနှင့် ရှောင်ပြေး ဖို့ရန်အထိ စဉ်းစားမိပါသည်။ သို့သော်ဘုရားအလိုတော်မဟုတ်ပါ။ ထို့ကြောင့် ဆုတောင်းပြီး သမ္မာကျမ်းစာမှ အဖြေပေးရန်တောင်းခံ ခဲ့ပါသည်။ ထာဝရဘုရားမှ ကျွန်တော့အား ကျမ်းစာဖြင့် စကားပြော အားပေးခဲ့ပါသည်။ ရှင်လုကာခရစ်ဝင်ကျမ်း ၂၁း၁၂-၁၉ တွင် (လူများတို့သည် ငါ၏နာမကြောင့် သင်တို့ကို မုန်းလိမ့်မည်၊  ဖမ်းဆီး ၍ တရားဇရပ်၌အပ်နှံကြလိမ့်မည်၊ ရှင်ဘုရင်ဝန်မင်းထံ သို့ပင် ပို့ဆောင်ခံ ရမည်၊ ထိုသို့သောအားဖြင့်သင်တို့သည် သက်သေခံရသောအခွင့်ရှိကြလိမ့်မည်။ — အဘယ်ကဲ့သို့ ပြန်ပြော ရမည်ကို ရှေးမဆွက မဆင်ခြင်ခြင်းငှါ သတိထားကြလော့။ အကြောင်းမူကား ရန်သူအပေါင်းတို့သည် မငြင်းခုံမဟန့်တားနိုင် သောနှုတ်သတ္တိ ၊ ဥာဏ်သတ္တိကို ငါပေးမည်။ သင်တို့ဆံခြည်တစ်ပင်မျှ မပျက်စီးရ၊ ကောင်းကင်နှင့် မြေကြီး မတည်သော်လည်း ငါ့စကားတည်လိမ့်မည် ။ကျွန်တော်လွန်စွာမှ ဝမ်းမြောက် သွားပြီး အနီးရှိ လုပ်ဖေါ်ဆောင်ဖက်များ တို့အား ဘာမှမစိုးရိမ်ကြနဲ့တော့ ငါကိုယ်တိုင် သွားရောက်အစစ်ခံမည်၊ ဘုရားကငါ့ကို အဖြေပေးထား ပြီးပြီ ဟု အော်ပြောလိုက် သောအခါမှ ညနေစာကို ညနက်မှ စားဖြစ်ကြပါတော့သည်။  အားလုံးအတူတကွ ညစာကို စားကြရင်းဘုရား၏ စကားတော်အကြောင်း ကိုပြောပြခဲ့ပါသည်။

နောက်တစ်နေ့နံနက်တွင်ကျွန်တော်နှင့် အမှုတော်ဆောင် အဖေါ်နှစ်ဦး အစစ်အဆေးခံရန်အတွက် ယုံကြည်ခြင်းအပြည့်ဖြင့် သွားရောက်ခဲ့ကြပါသည်။ အသင်းတော်နှင့်ကျန်ခဲ့သောအမှုတော်ဆောင် များကလည်းနောက်မှနေ၍ အစာရှောင် ကာ ဆုတောင်းပေးကြပါသည်။ ကျွန်တော်တို့ရောက်သောအခါ တာဝန်ရှိသူများက တရားခံ တစ်ဦးပမာ နာရီဝက်ခန့်စစ်ဆေးမေးမြန်းပြီး လူကြီးအိမ်တွင် ဆက်လက် စစ်ဆေးမည်ဟုဆိုကာ လူကြီး အိမ်ဖက်သို့ကျွန်တော်တို့ကိုခေါ်သွားပါသည်။

ရုံးသည်မြို့ထဲတွင်ရှိ၍စိုးရိမ်စိတ်မရှိသော်လည်း လူကြီး အိမ်ဖက်သို့သွားသော အခါလုံခြုံရေးများနှင့် ဂိတ်များကိုကျော်ဖြတ် သွားရသောကြောင့် အနည်းငယ်စိုးရိမ်စိတ် ဝင်လာပါသည်။ ထိုအခါ ကျမ်းစာတော်မြတ်တစ်ချက်က သင်၏ ဘုရားသခင် ထာဝရဘုရားသည် သင့်ရှေ့မှာ ကိုယ်တိုင်ကြွ၍ သင်နှင့်အတူရှိတော်မူသည်ဟု အားပေးမူကို စိတ်ထဲတွင်ခံစားရပြီး ငြိမ်သက်မှုအပြည့်ရခဲ့ပါသည်။  လူကြီးနှင့်တွေ့သော အခါ ထပ်မံစိုးရိမ်စိတ်များဝင်လာပြန်ရာ ကျမ်းစာတော်မြတ်တစ်ချက်က ]ဘုရားသခင် သည် ငါတို့ဘက်၌ ရှိတော်မူလျှင် အဘယ်သူသည်အခြားတစ်ဖက်၌နေနိုင်မည်နည်း} ဟုအားပေးခဲ့ပါသည်။ ထိုနှုတ်ကပတ်တော်များအားဖြင့် ကျွန်တော်သည် ငြိမ်သက်ခြင်း အပြည့်ဖြင့် လူကြီးနှင့် တွေ့ဆုံအစစ်အဆေးခံခဲ့ပါသည်။

လူကြီးမင်းမှ ကျွန်တော်တို့အားသိလိုသော အရာများတို့ကိုစစ်ဆေးမေးမြန်းပြီး ကျွန်တော်တို့အား နိုင်ငံရေးနှင့် ဘာသာရေး ပြဿနာများအကြောင်းကို အချိန်အတော် ကြာအောင် ပြောပြပါသည်။ ဆရာယုဒသန် အကြောင်းလည်းပါဝင်ပါသည်။ ဆရာ ယုဒသန်၏နောက်မှာစစ်တပ်များပါလာပြီးနယ်ချဲ့ခဲ့၍ ယေရှုအားနယ်ချဲ့ဘာသာ တစ်ခုအနေဖြင့် သူတို့မြင်ကြပါသည်။  ထို့နောက် ယေရှု အကြောင်း ရောက်လာ ပါသည်။ လွန်ခဲ့သော နှစ်ပေါင်း နှစ်ထောင်က လူများတို့အားသူ့အကြောင်းပြောကြရန် ယေရှုက မိန့်မှာခဲ့တိုင်း လုပ်သင့်ပါသလား။ ခေတ်ကာလသည်အလွန် တိုးတက် ပြောင်းလဲနေပြီဖြစ်လို့ ယနေ့လူငယ်များ သည်ခေတ်နှင့်အညီ စဉ်းစားတွေးခေါ် လုပ်ဆောင်သင့်ကြောင်းပြောပါသည်။

လူကြီးမင်းက သူသည်သမ္မာကျမ်းစာကို အကြိမ်ကြိမ် လေ့လာခဲ့ပြီးကြောင်း နှင့် မင်းတို့ယေရှုကမှာခဲ့လို့ သူ့အကြောင်း လိုက်ပြော တာတော့ဟုတ်ပါပြီ တမန်တော် များကဲ့သို့ သူ့အတွက် အသေခံရ မှာမကြောက်ဘူးလား ဟု သူကနှစ်ကြိမ်တိုင်တိုင် မေးပါသည်။ ကျွန်တော်က မကြောက်ကြောင်းရဲဝံ့စွာ ပြန်ဖြေခဲ့ပါသည်။ လူကြီးမင်းက သူသည်တစ်ချိန်ကထိုကဲ့သို့ပင် ပြောခဲ့ကြောင်းနှင့် ကောင်းမှုကုသိုလ်များစွာ လုပ်ခဲ့ပြီး ဖြစ်သော်လည်းသေဖို့ အသင့်မဖြစ်သေးကြောင်းပြောပါသည်။ ကျွန်တော် ကတော့ သေဖို့မကြောက်ကြောင်း ကိုသာထပ်ပြောသောအခါ လူကြီးမင်းက ဆက်လက်ပြောရန် စကားရပ်သွားပါသည်။

ထို့ကြောင့် စကားပြောင်းကာ မင်းတို့က လူများကို ဘာဖြစ်လို့ အတင်း ဘာသာလိုက်ဆွယ်နေရတာလဲ ဟု ထပ်မေးပါသည်။ ထိုအခါ ကျွန်တော်တို့သည် ဘာသာလိုက်ဆွယ်နေခြင်းမဟုတ်ကြောင်းနှင့် ယေရှုက သူတစ်ပါးကို ဘာသာသွင်းသော သူသည် အမင်္ဂလာရှိသည် ဟုသွန်သင်ခဲ့ကြောင်း ပြောပြပါသည်။ ကျွန်တော်တို့၏ ဆရာသမား များကလည်း ဘာသာသွင်းသောအလုပ်မလုပ်ဖို့ အမြဲသွန်သင်ကြောင်း ပြောပြပါသည်။ ဒါဆိုမင်းတို့အလုပ်က ဘာလဲ ဟု ဘဝင်မကျသံဖြင့်ပြန်မေးပါသည်။ ကျွန်တော်တို့သည် ဧဝံဂေလိ သတင်ကောင်းကို လိုက်လံပြောကြား သူများသာ ဖြစ်ကြောင်း ရှင်းပြပါသည်။ ထိုအခါ လူကြီးမင်းက ဧဝံဂေလိဆိုတာဘာလဲဟု မေးလိုက်သောအခါ ကျွန်တော်လွန်စွာမှ ဝမ်းမြောက်မိပါသည်။

ဘုရားသည်တရားပါသည်။ တမလွန် ကောင်းရာဘုံသို့ရောက်ဖို့ ကောင်းမှု ကုသိုလ်ဖြင့် သွားပါက ဆင်းရဲသားများအတွက် အခက်တွေ့မည်ဖြစ်ပြီး၊ အကျင့် သီလဖြင့်သွားပါက ကျွန်တော်တို့လို အလုပ်လုပ်နေရ သူများအဖို့ တရားကျင့်ဖို့ရန် အချိန်လုံလောက်မှု မရှိကြောင်းပြောပြပါသည်။ ထိုအခါလူကြီးမင်းက ငါတောင်အခု အချိန်ထိ ထမင်းစားချိန်မရသေးဘူးဟု ဝင်ထောက်ခံပါသည်။ ထို့ကြောင့်လူသားတိုင်း ကောင်းရာသို့ရောက်ဖို့ ယေရှုက ကျွန်တော်တို့အပြစ်အတွက်အသေခံပေးခဲ့ပြီး သုံးရက်မြောက်သောနေ့မှာ ရှင်ပြန်ထမြောက်ခဲ့ကြောင်း ပြောသောအခါလူကြီးမင်းက ဒါကိုတော့ငါသိပါတယ်။ မဖြစ်နိုင်တာက ယေရှု သေခြင်းမှရှင်ပြန်ထမြောက်ခြင်းဘဲ ဟုဝင်ပြောပါသည်။ ယေရှုအမှန် တကယ်ရှင်ပြန်ထမြောက်ခြင်းမရှိပါက ထိုတရားကို သူ၏ တမန်တော်များ မှစ၍ ဆရာယုဒသန် တို့သည် အသေခံပြီး ဟောပြောကြ လိမ့်မည်မဟုတ်ကြောင်း ရှင်းပြခွင့်ရခဲ့ပါသည်။   တိုင်တန်းခံရမှုကြောင့် ကျွန်တော်တို့ မှာ ဒုက္ခများစွာ ရောက်သွားနိုင်သော်လည်း ကျမ်းစာလာသည့်အတိုင်း တွေ့ဖို့ရန်ပင် အလွန်ခက်ခဲသောလူကြီးမင်းကို ဧဝံဂေလိတရားဟောကြားခွင့် ရရှိခဲ့ပါသည်။ ဘုရားသခင်၏ နှုတ်ကပတ်တော်သည်အမြဲမှန်ကန်နေပါသည်။ လူကြီးမင်းကလည်း တိုင်တန်းမှုကြောင့် တာဝန်အရ စစ်ဆေးရခြင်း ဖြစ်ကြောင်းနှင့် အကူအညီလိုအပ်ပါက တောင်းခံနိုင်ကြောင်းပြောပါသည်။ သူက မင်းတို့မှာ ယေရှုနှင့်ပတ်သက်ပြီး စာအုပ် စာပေများရှိရင် ယူခဲ့ကြအုံးဟု ဆက်ပြောပါသည်။ လူကြီးမင်းနှင့် ကျွန်တော်တို့လည်း မိတ်ဆွေများ ကဲ့သို့ စကားစမည်များ ဆက်ပြောဖြစ်ကြပြီး ရင်းနှီးစွာ လက်ဆွဲနှုတ်ဆက် ကာ၎င်းအိမ်မှ ပြန်လာခဲ့ကြ ပါသည်။

 

One Response to “သက်ဆိုင်ရာမှ ခေါ်ယူစစ်ဆေးမှုခံရခြင်း”

  1. rainmoe Says:

    Praise The Lord !!!


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s